Qozoq kampirning qo‘lini o‘pgan Turkiya prezidentining rafiqasi internet foydalanuvchilari qalbini zabt etdi

Qozog‘istonga Turkiya prezidenti Rajab Toyyib Erdo‘g‘on rasmiy tashrif bilan keldi, uning rafiqasi esa Ostonaga oldinroq yetib kelgan edi, deb yozadi “Tobolinfo.kz”.

Emine Erdo‘g‘on o‘g‘li Najmiddin Bilol bilan birga shahardagi tarixiy yodgorliklarni borib ko‘rdi, shaharliklar bilan uchrashib, o‘zining oddiyligi va xushmuomalaligi bilan ularning qalbini zabt etdi.

Tashrif chog‘ida olingan suratlar Eminening Instagram’dagi sahifasiga joylandi. Turkiya birinchi xonimi oddiy qozoq kampirning qo‘lini o‘payotgani aks etgan surat ayniqsa ommalashib ketdi.

Ijtimoiy tarmoq foydalanuvchilari unda kattalarga hurmat va ehtirom, shuningdek, an’ana va odatlarga rioya qilish belgilarini ko‘rdi.

“Daryo” yangiliklarini “Odnoklassniki”da kuzatib boring