Voronejda Yak-130 halokatga uchradi va to‘liq yonib ketdi

16-sentabr, shanba kuni Voronej viloyatida qulagan Yak-130 o‘quv-jangovar samolyoti yerga zarb bilan urilganidan so‘ng to‘liq yonib ketdi. Bu haqda Rossiya FVVning mintaqadagi markazi ma’lum qildi, deb xabar beradi “TASS”.

“Mahalliy vaqt bilan 14:45 da guvohlardan samolyot maydonga qulagani va alangalangani haqida xabar olindi. Hodisa joyiga 23 kishi va 12 ta texnika yuborildi. Yong‘in 14:54 da bartaraf etildi, havo kemasi to‘liq yonib bitdi”, — dedi markaz vakili.

Yak-130 o‘quv-mashq parvozi davomida Borisoglebsk aerodromi yaqinida halokatga uchradi. Ekipaj mashinani atrofdagi imoratlardan olib qochib, katapulta qilishga muvaffaq bo‘lgani va jabrlanmagani bildirilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!