London metrosidagi terakt bo‘yicha birinchi gumondor ushlandi

Buyuk Britaniyaning Kent grafligi politsiyasi Duvr port zonasida London metropolitenidagi portlashda gumondor 18 yoshli o‘smirni qo‘lga oldi. Bu haqda huquq-tartibot idoralari rasmiy bayonot tarqatdi, deb xabar beradi “Korrespondent.net”.

U Duvr politsiya uchastkasiga yetkazildi. Hozirda gumondor London janubiy tumani politsiyasiga topshirilishi kutilmoqda.

“Tergovdagi o‘zgarishdan mamnunmiz, lekin u davom etmoqda va terrorchilik tahdidi darajasi yuqoriligicha qolmoqda”, — deb izoh berdi vaziyatga terrorchilikka qarshi kurash bo‘yicha milliy koordinator Nil Basu.

“Daryo” yangiliklarini Facebook’da kuzatib boring