Litva TIV mamlakat havo hududiga daxl qilingani tufayli Rossiya elchisini chaqirtirdi

Litva tashqi ishlar vaziri mamlakatdagi Rossiya elchisi Aleksandr Udalsovni chaqirtirdi hamda unga mamlakat havo hududining buzilgani yuzasidan norozilik notasini topshirdi. Bu haqda Meduza xabar bermoqda.

Aytilishicha, 16-sentabr kuni Rossiyaning ikki Il-76 harbiy samolyoti Kaliningrad viloyatiga ketish chog‘ida ikki daqiqa davomida Litva havo hududida ruxsatsiz bo‘lgan.

Litva ushbu qonunbuzarlikni tushuntirishni hamda bu kabi voqealar kelajakda takrorlanmasligi uchun barcha choralarni ko‘rishni talab qildi.

“Daryo” yangiliklarini “Odnoklassniki”da kuzatib boring