“Mariya” dovuli Dominika bosh vaziri qarorgohi tomini uchirib ketdi

Saffira – Simpson o‘lchovi bo‘yicha maksimal, beshinchi darajaga chiqqan “Mariya” dovuli 18-sentabr, yakshanba kuni kechki payt Karib dengizining orol-davlatlari, jumladan, Dominikaga yopirildi. Bu haqda “TASS” xabar bermoqda.

Dominika bosh vaziri Ruzvelt Skerritga ko‘ra, tabiiy ofat uning Rozo shahridagi rasmiy qarorgohi tomini uchirib ketdi.

“Qarorgohimning tomi uchib ketdi. Men butkul dovul hukmi ostidaman. Uyni suv bosyapti”, —deya yozuv qoldirdi Skerrit Facebook’dagi sahifasida. Bir necha daqiqadan so‘ng u qutqarilganini ma’lum qildi.

Guvohlarning bildirishicha, dovul orolning bosh kasalxonasi tomini ham omon qoldirmadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!