Ispaniya rasmiylari Kataloniya mustaqilligi bo‘yicha referendum uchun tayyorlangan 10 milliondan ortiq byulletenlarni musodara qildi

Ispaniya fuqarolik gvardiyasi 20-sentabr kuni o‘tkazilgan tintuvlar chog‘ida Kataloniyaning ajralib chiqishi bo‘yicha referendumga mo‘ljallab tayyorlangan 10 milliondan ortiq byulletenlarni aniqladi va musodara etdi. Bu haqda “TASS” xabar bermoqda.

Aytilishicha, byulletenlar Kataloniyaning Biges-i-Riyels shaharchasidagi tipografiyadan topilgan. Huquq-tartibot organlari vakillari, shuningdek, tipografiyaning ikki xodimini hibsga oldi.

20-sentabr kuni Ispaniya fuqarolik gvardiyasi Kataloniya hukumatining bir necha departamentlarida tintuvlar o‘tkazdi. 12 kishi ushlandi, ular orasida Kataloniya iqtisodiy va soliq idoralari rahbarlari, boshqa departamentlar xodimlari bor.

“Daryo”ning Telegram’dagi rasmiy kanali — @toshqindaryo’ga a’zo bo‘ling!