Afg‘onistonda nazorat-o‘tkazish punktiga uyushtirilgan hujum oqibatida 5 kishi halok bo‘ldi

“Tolibon” radikal guruhi jangarilari Afg‘onistonning markazida joylashgan G‘azni viloyatida joylashgan nazorat-o‘tkazish punktiga hujum uyushtirdi. Bu haqda “RIA Novosti” xabar bermoqda.

Hujum oqibatida besh nafar politsiyachi halok bo‘ldi, yana sakkiz nafari jarohatlandi.

Viloyat gubernatorining vakili Muhammad Orif Nurining ma’lum qilishicha, hujum Bog‘i Attor tumanida yuz bergan.

Uning so‘zlariga ko‘ra, hodisa joyiga yetib kelgan huquq-tartibot organlari xodimlari hujumni bartaraf etgan. Radikal guruh jangarilaridan bir necha kishi halok bo‘lgan. Biroq halok bo‘lgan toliblarning aniq soni ma’lum qilinmagan.

“Daryo”ning YouTube’dagi rasmiy sahifasiga obuna bo‘ling