Facebook reklamalarni tekshirish uchun ming kishini ishga oladi

2-oktabr, dushanba kuni Facebook kompaniyasi ijtimoiy tarmoqqa joylanadigan reklama qoidalarga mos kelish-kelmasligini tekshiradigan ming kishini ishga olmoqchi ekanligi haqida e’lon qildi, deb yozadi “Kommersant”.

Bu sentabrda kelib chiqqan mojarodan so‘ng ijtimoiy tarmoq tomonidan ko‘rilayotgan chora-tadbirlarning bir qismiga aylandi, o‘shanda Facebook’ka buyurtmachilari Rossiyaga aloqador deb gumon qilingan 3 mingga yaqin siyosiy reklama e’lonlari joylanganligi ma’lum bo‘lgan edi.

Ishonchsiz akkauntlar yordamida sotib olingan bunday reklama o‘tgan yilgi AQSh prezidenti saylovlari arafasidagi saylov kampaniyasi chog‘ida ham e’lon qilingan.

Reklamani tekshirish uchun yangi xodimlarni yollashdan tashqari, Facebook reklama shaffofligini oshirmoqchi, shunda har qanday foydalanuvchi uni kim e’lon qilganini, ushbu reklama beruvchi yana qanday e’lonlarni joylaganini ko‘rishi mumkin bo‘ladi.

“Daryo” yangiliklarini “Odnoklassniki”da kuzatib boring