AQShda Las-Vegasdagi otishma munosabati bilan 5 kunlik motam e’lon qilindi

AQSh prezidenti Donald Tramp Las-Vegasdagi otishma munosabati bilan 5 kunlik motam e’lon qildi. Bu haqda 2-oktabr, dushanba kuni Oq uy saytida ma’lum qilindi, deya xabar beradi “Korrespondent.net”.

Motam 6-oktabr, juma kunigacha davom etadi.

Otishma qurbonlariga hurmat ramzi sifatida AQSh bayrog‘i Oq uy va federal hukumatning barcha binolarida tushiriladi.

Shuningdek, Trampning ko‘rsatmasiga binoan mamlakat milliy bayrog‘i AQSh elchixonalari, rasmiy vakolatxonalari, konsullik muassasalari va xorijdagi boshqa obyektlar, jumladan, harbiy obyektlar va harbiy-dengiz kemalarida ham tushiriladi.

Eslatib o‘tamiz, Las-Vegasda yuz bergan ommaviy qotillik oqibatida 58 kishi halok bo‘ldi.

“Daryo” yangiliklarini Facebook’da kuzatib boring