Marselda o‘tkinchilarga pichoq bilan tashlangan shaxs Tunis fuqarosi ekanligi ma’lum bo‘ldi 

Tergovchilar 1-oktabrda Marselda pichoq bilan hujum qilib, ikki yosh ayolni o‘ldirgan jinoyatchining shaxsini rasman aniqladi. Bu haqda “Korrespondent.net” xabar bermoqda.

Fransiya ichki ishlar vaziri Jerar Kollombga ko‘ra, hujum qilgan shaxs 1987-yilda tug‘ilgan Tunis fuqarosi Ahmad Xanachidir. U uysiz bo‘lgan va narkotiklar iste’mol qilgan.

Hodisadan ikki kun avval u do‘konda o‘g‘rilik qilgani uchun qo‘lga tushirilgandi. Biroq Rona shahri prefekturasi Xanachini qamoqqa olishga ruxsat bermadi.

“Daryo” yangiliklarini Facebook’da kuzatib boring