AQSh Oyga parvoz uyushtirishni rejalashtirmoqda

AQSh Oyga yana astronavtlarni yuborishni rejalashtirmoqda. Bu haqda Shantilyidagi (Virginiya shtati) milliy kosmik kengash yig‘ilishida vitse-prezident Maykl Pens bayonot berdi, deb xabar qiladi “TASS”.

“Biz astronavtlarimizni Oyga qaytaramiz, Mars va olis fazoda tadqiqotlar olib borishning asosini shunga quramiz”, — dedi u.

Amaldor bu ish qachon amalga oshirilishining aniq muddatlarini aytmadi.

Bundan tashqari, vitse-prezidentning so‘zlariga qaraganda, AQSh oldida Yer atrofi orbitasida boshqaruvdagi apparatlarning tijoriy faoliyatini yo‘lga qo‘yish vazifasi turibdi.

“Daryo” yangiliklarini Facebook’da kuzatib boring