Isroil yahudiy bayramlari munosabati bilan joriy etilgan Falastin qamalini bo‘shashtirdi

Isroil rasmiylari Falastin hududi qamalini bo‘shashtirdi va ehtiyoj yuqori bo‘lgan ixtisosliklarga ega ishchilarga mamlakatga kirishga ruxsat berdi. Bu haqda mamlakat mudofaa vazirligi ma’lum qildi, deya xabar beradi “RIA Novosti”.

Tel-Aviv Iordan daryosining G‘arbiy qirg‘og‘i va G‘azo sektori bilan chegaralarni 4 dan 15-oktabrga qadar — yahudiylarning Sukkot, Simxat-Tora bayramlari va ularga tutash dam olish kunlari muddatiga yopdi.

Avvaliga chegarani kesib o‘tishga bo‘lgan taqiq barcha falastinliklarga tegishli edi, biroq 6-oktabr, juma kunidan boshlab mazkur tartib biroz yengillashtirildi.

Harbiylarga ko‘ra, yengillik qishloq xo‘jaligi, tibbiy xizmatlar sohalaridagi va Isroilning G‘arbiy qirg‘oqdagi sanoat zonalarida ishlovchi falastinliklarga tegishli.

“Daryo”ning Telegram’dagi rasmiy kanali — @toshqindaryo’ga a’zo bo‘ling!