Ukrainada yettinchi qavatdan yiqilgan ayol tirik qoldi

Ukrainaning Lvov viloyatida 50 yoshli ayol ko‘p qavatli uyning yettinchi qavatidan yiqilib tushdi va tirik qoldi, deb xabar beradi “Korrespondent.net”.

Ukrainaning Ivano-Frankovskaya viloyatida yashovchi ayol 8-oktabr kuni kasalxonaga olib kelingan.

U bir kun avval Lvov viloyati Shevchenko tumanida yashovchi qarindoshlarini ko‘rishga kelgan. Ayol yettinchi qavatdagi uyning balkonidan yiqilib ketgan. Bu vaqtda uning qarindoshlari uyning boshqa xonasida bo‘lgan.

Ayolga ikkala oyoqning sinishi va qisman lat yeyish tashxisi qo‘yilgan.

Politsiya ayni vaqtda hodisa tafsilotlarini o‘rganmoqda.

“Daryo”ning YouTube’dagi rasmiy sahifasiga obuna bo‘ling