Namibiyada 109 ta begemot kuydirgidan nobud bo‘ldi

1-oktabr kuni Namibiyadagi Bvabvata milliy bog‘i hududida o‘lik begemot topildi. Keyingi o‘n kun ichida shu hududning o‘zida ushbu jonivorlarning yuzdan ortiq jasadlari aniqlandi. Ularning o‘limiga kuydirgining avj olishi sababchi bo‘lgan, deb taxmin etilmoqda. Bu haqda National Geographic xabar berdi.

Kuydirgi o‘ta xavfli yuqumli kasalliklar turiga kiradi. Birinchi navbatda u hayvonlarni nobud qiladi, ammo odam ham undan zarar ko‘rishi mumkin.

Begemotlardan tashqari, bu yerda buqalar va boshqa hayvonlar ham yashaydi. Ularning ko‘pchiligi kuydirgi bakteriyalarini yuqtirishga moyil. Shuningdek, yirtqichlar nobud bo‘lgan begemotlarning go‘shtini tatib ko‘rishga ham ulgurdi va kasallik qurbonlari va tarqatuvchilariga aylandi.

“Daryo” yangiliklarini Facebook’da kuzatib boring