O‘zbekistonga JCh mezbonligini berishga qarshi bo‘lmagan AIBA prezidenti iste’foga chiqarildi

Havaskor Bokschilar Xalqaro Assotsiatsiyasi prezitenti Ching Kuo Vu iste’foga chiqarildi.

Tashkilot tartib-intizom qo‘mitasi Vuni o‘z lavozomiga ortiqcha munosib emas, deb hisobladi. Endi AIBA o‘ziga prezident tayinlashi kerak bo‘ladi. Yangi prezident Shveysariyaning Lozanna shahrida o‘tadigan ijroqo‘m yig‘ilishida rasman tanishtirilishi katta ehtimol.

Ungacha esa maxsus tashkil etilgan komissiya AIBAga boshchilik qilib turadi.

Ching Kuo Vu Toshkent mezbonligida o‘tgan 2017-yilgi Osiyo Chempionatiga tashrif buyurgandi. O‘shanda 9 nafar o‘zbekistonlik bokschi oltin medalni qo‘lga kiritgan va mezbonlarning barcha bokschilari JChda ishtirok etuvchi chiptaga ega chiqqandi.

Muxlislarning katta qiziqishiga sabab bo‘layotgan WSB musobaqasining g‘oyasi aynan Ching Kuo Vuga tegishli. U UzReportga bergan eksklyuziv intervyusida agar O‘zbekiston Jahon Chempionati mezbonligini istasa, bu variantni birinchilardan bo‘lib ko‘rish chiqishga tayyor ekani haqida aytib o‘tgandi.

“Daryo” yangiliklarini Facebook’da kuzatib boring