Ukrainada Qrim tasvirlangan Rossiya banknotalari bilan operatsiyalar o‘tkazish taqiqlandi

Ukraina milliy banki Rossiyaning Qrimdagi joylashgan obyektlar tasvirlangan banknotalari bilan operatsiyalar o‘tkazishni taqiqladi. Bu haqda “RIA Novosti” xabar bermoqda.

Bunday operatsiyalar qatorida valyuta ayirboshlash ham kiradi.

Banklar va “Ukrpochta”ga Qrim tasvirlangan banknotalar yordamida pul o‘tkazmalarini to‘lash yoki o‘tkazmalarni qabul qilish taqiqlandi.

Qaror 17-oktabrdan kuchga kiradi.

Oktabr oyida Rossiyada 200 va 2000 rubl nominalli yangi banknotalar chiqarildi. Ularda Qrim bilan bog‘liq obyektlar tasvirlangan.

“Daryo”ning YouTube’dagi rasmiy sahifasiga obuna bo‘ling