“Barselona” ketma-ket 7 g‘alabadan keyin “Atletiko”ni yenga olmadi. Krishtianu “Real”ga 3 ochko keltirdi

Ispaniya La Ligasining yetakchi klublari 8-tur bellashuvlarini o‘tkazdi. Bunga qadar ketma-ket 7 tur davomida raqiblarini taslim qilib kelgan “Barselona” futbolchilari ilk jiddiy sinovda ochko yo‘qotdi.

Vanda Metropolitano arenasida “Atletiko” mehmoni bo‘lgan kataloniyalik futbolchilar Luis Suaresning goli sabab mag‘lubiyatdan qutulib qoldi. Ochko yo‘qotganiga qaramay, “Barselona” eng yaqin ta’qibchisini 5 ochko ortda qoldirgani holda peshqadam bo‘lib turibdi.

Madridning “Real” klubi esa safar uchrashuvida zafar quchdi. Karim Benzema va Krishtianu Ronaldu tomonidan urilgan gollar Zidan jamoasiga muvaffaqiyat keltirdi.

Mavsumda yaxshi davom etib kelayotgan “Sevilya” navbatdagi g‘alabasi bilan 2-o‘rinda yurishi mumkin edi. Biroq andalusiyalik futbolchilar yo‘liga bu safar “Atletik” to‘sqinlik qildi.

Ispaniya La Ligasi
8-tur bellashuvlari
13-oktabr, juma

14-oktabr, shanba

Gol: Mikel Vesga, 43 (1:0).

Gollar: Karim Benzema, 39 (0:1). Molina, 56 (1:1). Krishtianu Ronaldu, 85 (1:2).

Gollar: Mikel Oyarsabal, 77 (0:1). Arits Elustondo, 81 (0:2).

Gollar: Saul, 21 (1:0). Luis Suares, 82 (1:1).

15-oktabr, yakshanba
“Eybar” — “Deportivo”
“Jirona” — “Vilyarreal”
“Malaga” — “Leganes”
“Betis” — “Valensiya”
“Las-Palmas” — “Selta”

“Daryo”ning YouTube’dagi rasmiy sahifasiga obuna bo‘ling