Shavkat Mirziyoyev Xorazm viloyati musiqali drama teatrini borib ko‘rdi

Shavkat Mirziyoyev 15-oktabr, yakshanba kuni Xorazm viloyati musiqali drama teatrini borib ko‘rdi. Bu haqda O‘zA xabar bermoqda.

Xorazm viloyati musiqali drama teatri 1975-yilda qurilgan. Prezident tashabbusi bilan shu kunlarda teatr binosi, jumladan, 572 tomoshabinga mo‘ljallangan zal kapital ta’mirlanmoqda.

Shavkat Mirziyoyev mutasaddilar bilan muloqotda teatr faoliyatining mazmun-mohiyatini yanada boyitish bo‘yicha o‘z fikr-mulohazalarini bildirdi.

“Teatrni haqiqiy ma’naviyat o‘chog‘iga aylantirish uchun avvalo yaxshi asarlar kerak”, — dedi davlat rahbari.

Ijodkorlarni qo‘llab-quvvatlash, ular uchun zamonaviy uy-joy qurib berish, teatrning moddiy-texnik bazasini mustahkamlash bo‘yicha ko‘rsatmalar berildi. Aktyor va rejissyorlarning malakasini oshirish, yosh mutaxassislar tayyorlash masalalariga alohida e’tibor qaratildi.

“Daryo”ning YouTube’dagi rasmiy sahifasiga obuna bo‘ling