Mitsubishi AQSh va Kanadadan rele nosozligi sabab 160 mingdan ortiq avtomobilini qaytarib oladi

Yaponiyaning Mitsubishi kompaniyasi AQSh va Kanadadan elektr rele nosozligi sababli 161,167 ming avtomobilini qaytarib oladi. Bu haqda “Korrespondent.net” xabar berdi.

Kompaniyaga ko‘ra, rele nosozligi dvigatel o‘chib qolishi yoki qizib ketishiga olib kelishi mumkin.

Mazkur qaror 2015—2017-yillarda chiqarilgan Outlander SUV va Outlander Sport krossoverlari, Lancer va Lancer Evolution sedanlariga tegishli.

Kanadadan 28,6 ming avtomobil, qolganlari AQShdan qaytarib olinadi.

Garchi rele nosozligi tufayli yuz bergan noxush holatlar haqida ma’lumotlar bo‘lmasa ham, ular kompaniya dilerlari tomonidan bepul almashtirib beriladi.

“Daryo” yangiliklarini Facebook’da kuzatib boring