Si Szinpin Xitoy Kommunistik partiyasi Markaziy qo‘mitasi bosh kotibi etib saylandi

Xitoy Kommunistik partiyasining XIX chaqiriq Markaziy qo‘mitasi (XKP MQ) 25-oktabr, chorshanba kungi birinchi plenumida Si Szinpinni XKP MQning bosh kotibi sifatida qayta sayladi, deb yozadi “TASS”. Shuningdek, u Harbiy kengash raisi sifatida saylandi.

Si Szinpin, bundan tashqari, davlat rahbari — XXR raisi lavozimini ham egallaydi.

Shu bilan birga, XKP MQ o‘z Doimiy qo‘mitasi tarkibiga yetti kishini saylab oldi. Ular orasida Si Szinpin va bosh vazir Li Ketsyan ham bor.

“Daryo” yangiliklarini “Odnoklassniki”da kuzatib boring