Abu-Dabi politsiyasi jarimadan shikoyat qilgan haydovchilarga chegirma beradi
Abu-Dabi politsiyasi jarimalar ustidan shikoyat qilishga qaror qilgan haydovchilarga “chegirmalar” beradi. Bu haqda Khaleej Times’ga tayanib, UAEInside nashri xabar bermoqda.
Belgilangan qiymatni pasaytirish besh foiz va undan yuqoridan boshlanadi. Bu qonunbuzarlik turi va haydovchi uni qanday sabablar bilan asoslantirishiga bog‘liq. Tizim avtomobil ishqibozlariga shikoyatlarni to‘g‘ridan-to‘g‘ri Yo‘l qoidabuzilishlari departamentiga yuborish imkonini beradi. Departament xodimlari arizani ko‘rib chiqib, chegirma berishi, jarimani butunlay olib tashlashi yoki haydovchi departament qaroridan norozi bo‘lganda ishni sudga yuborishi mumkin.
Manba Abu-Dabida shuningdek mayda huquqbuzarliklarni ko‘rib chiqish uchun “Bir kunlik sud” tashkil etilganligini ma’lum qiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!