Londonning Pikadilli maydonidagi “aqlli” reklama ekrani ishga tushirildi

Londonda o‘rnatilganidan to‘qqiz oy o‘tib “aqlli” reklama ekrani ishga tushirildi. Oltita turli ekranlar o‘rnini  bitta egilgan ulkan LED displeyi egalladi. Bilbordning o‘lchami 790 kvadrat metrga teng, deb xabar berdi TJournal.

Ekran yangilanganida unga o‘rnatilgan sensor va kameralar tasvirni atrof-muhitga moslashtiradi. Bilbord yaratuvchilarining aytishicha, ekran atrofdagilarning yuzidan ularning yoshini, jinsini, kayfiyatini, shuningdek, avtomobillar markasi va narxini hamda ayrim parametrlarini aniqlay oladi. Bundan tashqari bilbord yonida tekin Wi-Fi hududi tashkil etilgan.

Bunga qadar ekran turlicha oltita monitordan iborat edi va ulardan har biri turli brendlarning qisqa reklamalarini namoyish etardi.

“Daryo”ning YouTube’dagi rasmiy sahifasiga obuna bo‘ling