Puchdemonni Ispaniyaga ekstraditsiya qilish bo‘yicha sud eshituvlari 17-noyabr kuni boshlanadi

Kataloniyaning sobiq rahbari Karles Puchdemonning Ispaniyaga topshirilishi masalasi Bryussel sudida 17-noyabrdan boshlab ko‘rib chiqiladi. Bu haqda, VTM telekanaliga asoslanib, “TASS” xabar bermoqda.

Muqaddam Belgiyaga chiqib ketgan Puchdemon Kataloniya hukumatining to‘rt nafar sobiq vakili bilan birga mamlakat politsiyasi tomonidan hibsga olingani, uning taqdiri 6-noyabr kuni hal qilinishi aytilgan edi.

Telekanal ma’lumotiga ko‘ra, Puchdemonning advokati Pol Bekar Belgiyadan Ispaniya tomonidan chiqarilgan Yevropa hibs ruxsatnomasidan voz kechishni talab qilmoqchi. Buni u Kataloniyaning sobiq rahbarini Madridda siyosiylashtirilgan noxolis sud kutayotgani bilan tushuntirmoqda.