Rossiya pochtasi lotereyadan yarim milliard rubl yutib olgan mijozni qidirmoqda

Rossiya pochtasi Voronej viloyati pochta aloqa bo‘limidan 23-oktabrdan 3-noyabrgacha bo‘lgan vaqt oralig‘ida yutuqli lotereya chiptasini sotib olgan fuqaroni izlamoqda, deb yozadi “RIA Novosti”.

“Rossiya davlat lotereyasi tarixidagi eng yirik yutuqni olib ketish uchun baxtli inson ‘Stoloto’ savdo uyiga murojaat qilishi kerak”, — deyiladi xabarda.

5-noyabr kuni “Stoloto” lotereyasi kompaniyasi Voronej viloyatida yashovchi fuqaro Rossiya tarixidagi eng yirik 506 million rubl miqdoridagi jek-potni yutib olgani haqida ma’lum qilingan edi.