AQShda jekpot qiymati 435 mln dollar yutuqli lotereya chiptasi sotildi

Jekpot qiymati 435 million dollar bo‘lgan Powerball yutuqli lotereya chiptasi AQShning Indiana shtatida sotildi. Bu haqda Powerball lotereyasi vakili Dennis Rouzbro ma’lum qildi, deb xabar bermoqda The Washington Post.

Yutuqli chipta Indiana shtati poytaxti Indianapolis shahridan 60 kilometr uzoqlikda joylashgan Lafeyett shahrida sotib olindi. Chipta egasi 180 kun ichida pulni olib ketishi kerak bo‘ladi. G‘olib pulni hech kim bilan bo‘lishmaydi, chunki faqatgina bitta chipta yutuqli chiqdi.

Powerball — chiptalari AQShning 44 shtatida sotiladigan lotereya. Uning narxi bir necha dollarni tashkil qiladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!