Zimbabve parlamenti spikeri prezident Mugabening iste’foga chiqqanini e’lon qildi

Zimbabve parlamenti spikeri mamlakatni 37 yil davomida boshqarib kelgan prezident Robert Mugabe iste’foga chiqqanini e’lon qildi. Bu haqda Meduza xabar bermoqda.

Spiker Jeykob Mudenda Zimbabve parlamenti a’zolariga Robert Mugabening maktubini o‘qib eshittirdi, unda prezident “zudlik bilan va ixtiyoriy ravishda” iste’foga chiqayotganini ma’lum qilgan.

Buni eshitgan parlament a’zolari qarsak chalib, raqsga tusha boshladi, deb yozadi Associated Press. Poytaxt Xarare ko‘chalaridagi odamlar ham Mugabening iste’fosini tantana qilmoqda.

#Zimbabwe BREAKING: I'm in Harare now, cars are hooting. ZANU PF Flags in the air. The mood is unbelievable #sabcnews pic.twitter.com/m6mwuXxJ2A

— Chriselda Lewis (@Chriseldalewis) November 21, 2017

Jeykob Mudendaning ma’lum qilishicha, mamlakatning yangi prezidenti ismi 22-noyabr kuni ma’lum qilinadi. Bu haqda Zimbabvening The Herald nashri xabar bermoqda.