Nursulton Ro‘ziboyev qirg‘izistonlik raqibini taslim qila olmagan bo‘lsa-da, chempionlik kamarini saqlab qoldi

O‘zbekistonlik sportchi Nursulton Ro‘ziboyev MMA tasnifidagi chempionlik kamarini saqlab qoldi, deb yozdi “Olamsport”.

Ramzan Qodirovga qarashli klubda faoliyat olib boradigan Ro‘ziboyev 5 kun ichida 2 ta jang o‘tkazdi. Yekaterinburgda chechenistonlik raqibini taslim qilgan Nursulton, Bishkekdagi jangda mezbonlar vakili Erbolot Omurzakov bilan durang qayd etdi.

WEF Global 10 doirasidagi jangda g‘olibni aniqlashning imkoni bo‘lmagan. Qoidaga ko‘ra, Erbolot chempionlik kamarini tortib olishi uchun, Ro‘ziboyevni taslim qilishi kerak edi. Norasmiy xabarlarga ko‘ra, yaqin vaqt ichida bu ikki sportchiga revansh jangi uchun imkoniyat yaratib beriladi.