Germaniyada noma’lum shaxs olomon ustiga mashina haydadi

Germaniyaning Kuksxafen shahrida noma’lum shaxs olomon ustiga mashina haydagani oqibatida olti kishi jabrlandi. Bu haqda “Korrespondent.net” xabar bermoqda.

Aytilishicha, haydovchi hujumni qasddan uyushtirgan.

“Haydovchi politsiyaga so‘roq uchun yetkazildi. Dastlabki ma’lumotlarga qaraganda, u piyodalar ustiga qasddan mashina haydagan”, — deyiladi politsiya xabarida.

Erkak mast ahvolda mashina haydagani aytilmoqda.

Jabrlanuvchilarga shifoxonada yordam ko‘rsatilmoqda.