Buyuk Britaniyada uysizlar uchun bepul mahsulot solingan avtomatlar paydo bo‘ladi

Rojdestvo arafasida Britaniyaning Nottingem shahrida uysizlarga mo‘ljallangan birinchi vending avtomati ish boshlaydi. Bu haqda, Nottingham Post nashriga asoslanib, “RIA Novosti” xabar bermoqda.

Aytilishicha, avtomatdan mevalar, shokolad, sendvich, gigiyena vositalari va paypoqlar olish mumkin bo‘ladi. Yuzga yaqin uysiz kuniga uchtagacha tovarni bepul olish huquqiga ega bo‘ladi. Buning uchun ularga maxsus kartalar beriladi.

G‘oya Action Hunger xayriya tashkiloti tomonidan ilgari surildi. Rejaga ko‘ra, Nottingemda sinov loyihasi muvaffaqiyatli o‘tsa, butun mamlakat bo‘yicha shunday avtomatlar joylashtiriladi.