Sirdaryolik 25 yoshli yigit o‘zidan 20 yosh katta fuqaroga tan jarohati yetkazdi

Chilonzor tumani IIB HPB profilaktika inspektorlari sohaviy xizmat xodimlari bilan hamkorlikda “Olmazor” metro bekati oldida bezorilik qilgan shaxs qo‘lga olindi. Bu haqda IIV Huquqbuzarliklar profilaktikasi bosh boshqarmasi xabar bermoqda.

26-noyabr kuni soat 15:00 da Bunyodkor shoh ko‘chasida joylashgan “Olmazor” metro bekati oldida 1992-yilda tug‘ilgan Sirdaryo shahri Alisher Navoiy ko‘chasida yashovchi I.U bezorilik oqibatida 1972-yilda tug‘ilgan K.Ani urib tan jarohati yetkazganligi aniqlanib ushlandi.

Mazkur holat yuzasidan fuqaro I.Uga nisbatan Chilonzor tuman IIB tomonidan O‘zbekiston Respublikasi JKning 277-moddasi (bezorilik) 1-qismi bilan jinoyat ishi qo‘zg‘atildi.