O‘zbekistonning yangi elchisi Germaniya prezidentiga ishonch yorliqlarini topshirdi

O‘zbekistonning Germaniyadagi Favqulodda va muxtor elchisi Nabijon Qosimov Berlinda mamlakat prezidenti Frank-Valter Shtaynmayerga ishonch yorliqlarini topshirdi. Bu haqda “Jahon” axborot agentligi xabar bermoqda.

Marosimdan keyin kechgan suhbat chog‘ida O‘zbekiston va Germaniya o‘rtasidagi ikki tomonlama munosabatlar bilan bog‘liq masalalar muhokama etildi.

Shtaynmayer Germaniya O‘zbekistonga Markaziy Osiyodagi muhim sherik sifatida qarashi hamda keng qamrovli masalalar yuzasidan o‘zaro hamkorlikni yanada mustahkamlashdan manfaatdor ekanligini qayd etdi. Ikki tomonlama hamkorlik faollashishiga umid bildirdi.