Bali xalqaro aeroporti reyslarni qabul qilish va jo‘natishni boshladi

Bali orolidagi xalqaro aeroport Agung vulqoni otilishidan kul buluti hosil bo‘lishi bilan bog‘liq tanaffusdan so‘ng reyslarni qabul qilish va jo‘natishni boshladi. Bu haqda “Interfaks” xabar bermoqda. 

“Aeroportga keluvchi va undan uchib ketadigan barcha reyslar bajarilmoqda”, — deyiladi Indoneziya aeroportlari davlat kompaniyasi bayonotida. 

Bali aeroporti vakili vulqon kuli buluti ko‘chgani sababli aeroport havo hududi reyslar amalga oshirish uchun yaroqli holatga kelganini bildirdi.

Oldinroq 27-noyabr, dushanba kuni yopilgan havo qo‘nalg‘asi faqat 30-noyabr, payshanba kuniga kelib faoliyatini tiklashi taxmin qilingandi.