Tramp britaniyalik millatchining aksilislomiy videolarini o‘z sahifasida chop etdi

AQSh prezidenti Donald Tramp 29-noyabr kuni Britaniyaning Britain First millatchi tashkiloti faoli Jeyda Franzen tomonidan e’lon qilingan videolarni o‘z sahifasida retvit qildi. Bu haqda Meduza xabar bermoqda.

AQSh rahbari o‘z sahifasida chop etgan har uch yozuvda musulmonlarga nisbat berilgan roliklar bor. Ularning birida yosh yigit hassa tayangan o‘smirni kaltaklayotgani, yana birida soqolli keksa inson Bibi Maryam haykalini sindirayotgani, uchinchisida esa o‘smirlar guruhi bir erkakka hujum qilgani aks etgan.

THE PRESIDENT OF THE UNITED STATES, DONALD TRUMP, HAS RETWEETED THREE OF DEPUTY LEADER JAYDA FRANSEN'S TWITTER VIDEOS! DONALD TRUMP HIMSELF HAS RETWEETED THESE VIDEOS AND HAS AROUND 44 MILLION FOLLOWERS! GOD BLESS YOU TRUMP! GOD BLESS AMERICA! OCS @JaydaBF @realDonaldTrump pic.twitter.com/BiQfQkTra9

— Jayda Fransen (@JaydaBF) November 29, 2017

Jeyda Franzenga ko‘ra, ushbu videoda aks etgan tajovuzkorlarning bari musulmonlardir. Tramp o‘z retvitlariga hech qanday izoh bermadi.

AQSh va Britaniyaning ko‘plab nashrlari prezidentning aksilislomiy retvitlariga e’tibor qaratdi.