2017-yil eng issiq yillar qatoridan o‘rin olishi bildirildi

Joriy yil eng issiq yillar qatoridan o‘rin oladi. Bu haqda Rossiya gidrometeologiya markazi direktori Roman Vilfand ma’lum qildi, deya xabar beradi “RIA Novosti”.

“Oxirgi 9 oy mobaynida 2017-yil eng issiq yillar safida uchinchi o‘rinda bo‘lib turibdi. 2016-yil sayyoramizdagi eng haroratli yil bo‘lgandi. 2015-yil esa ikkinchi o‘rinda”, — dedi Vilfand.

Rossiya gidrometeologiya markazi direktoriga ko‘ra, “bunday tendensiya global isish faraz emas, aniq-tiniq fakt” ekanligidan dalolat bermoqda.