Avstraliyada 1910-yildan beri eng haroratli qish qayd etildi

Avstraliyada 2017-yil qishi 100 yildan ortiq vaqt mobaynidagi eng haroratlisi bo‘ldi. Bu haqda mahalliy meteorologiya markazi ma’lum qildi, deya xabar beradi “Interfaks”.

Qishning 3 oyidagi o‘rtacha maksimal harorat 1910-yildan beri eng yuqori bo‘lgani qayd etildi. Harorat o‘rtacha 23,7 darajaga teng bo‘ldi, bu o‘tgan yillardagi ko‘rsatkichlardan 2 darajaga ko‘p.

Meteorologlarga ko‘ra, mamlakatda eng issiq qishki kun 24-avgustga to‘g‘ri keldi: shu kuni havo 39,6 darajagacha qizidi. Eng sovuq kun esa 27-avgustda qayd etildi va – 5,4 darajani tashkil etdi.

Ma’lumot uchun, Avstraliyada qish iyun, iyul va avgust oylariga to‘g‘ri keladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!