11-avgustdan O‘zbekistonda havo harorati pasayadi

Juma kunidan O‘zbekiston bo‘ylab havo harorati o‘rtacha +30…35 darajagacha pasayadi. Bu haqda Uz24 xabar bermoqda.

“O‘zgidromet” markazi ma’lumotlariga ko‘ra, 11-avgust kuni Toshkentda yomg‘ir yog‘ishi va momaqaldiroq kuzatilishi mumkin. Harorat kechasi +23…+25, kunduzi — +33…+35 darajaga yetadi. Shamol tezligi 12–17 metr/sekundgacha kuchayishi mumkin.

Farg‘ona vodiysida ham yog‘ingarchiliklar kuzatiladi, shamol tezligi 15–20 metr/sekundgacha kuchayadi.

Buxoro va Navoiy viloyatlarida harorat kunduzi +28…33, kechasi — +15…20 darajagacha tushadi.

Qashqadaryo va Surxondaryo viloyatlarida 11 avgustda havo harorati kunduzi +34…+39, 12-­­15-avgustda — +30…+35 darajani tashkil qiladi.

Shimoliy hududlarda 11-12-avgust kunlari kunduzi harorat +27…32, kechasi — +15…20 darajaga yetadi.

“Daryo” yangiliklarini “Odnoklassniki”da kuzatib boring