OAV: Fidel Kastroning dafn yeri o‘limidan o‘n yil oldin tayyorlab qo‘yilgan edi

Kubaning sobiq yetakchisi Fidel Kastroning dafn yeri o‘limidan o‘n yil oldin tayyorlab qo‘yilgan edi. Bu haqda, mahalliy matbuotga tayanib, “TASS” xabar bermoqda.

2006-yili og‘ir dardga chalingan Fidel Kastro boshqaruvni ukasi Raul Kastroga topshirgan edi. O‘sha yiliyoq Raul er-xotin me’morlar Eduardo Losade va Marsiya Peresga dafn yerini loyihalashtirishni topshirgandi.

Fidel Kastro 2016-yil 25-noyabrda 90 yoshida vafot etdi. U Santyago-de-Kuba shahridagi Santa-Ifigeniya qabristonida dafn etildi.