Somalidagi politsiya akademiyasi oldidagi portlash qurbonlari soni 13 kishiga yetdi

Somali poytaxti Mogadisho shahrida politsiya akademiyasi oldidagi portlash oqibatida halok bo‘lganlar soni 13 kishiga yetdi, deb xabar beradi “RBK”.

Ma’lumotlarga ko‘ra, xudkush Somali politsiyasining mashg‘ulot lageriga kirib olgan va o‘zini portlatib yuborgan. Portlashdan so‘ng 13 nafar politsiyachining jasadi topilgan. Bundan tashqari, yana 15 kishi jarohatlangan.

Hujum javobgarligini “Ash-Shabab” terrorchilik guruhi o‘z zimmasiga olgan.