KXDR ilk bor BMT Xavfsizlik kengashining Koreya yarim orolidagi vaziyat bo‘yicha yig‘ilishida qatnashdi

BMT Xavfsizlik kengashi oy davomida 3, yil boshidan beri 15-marotaba Koreya yarim orolidagi vaziyat bo‘yicha ochiq yig‘ilish o‘tkazdi. Bu haqda “TASS” xabar bermoqda.

Yig‘ilishda lavozimini egallab turgan salkam 4 yil mobaynida birinchi bor KXDR doimiy vakili Cha Son Nam paydo bo‘ldi. Shuningdek, mamlakat delegatsiyasi ham ilk marotaba qatnashdi.

Shimoliy Koreya vakili o‘z chiqishida Pxenyanning yadro quroli va ularni yetkazish vositalarini ishlab chiqishni davom ettirish niyatini tasdiqladi.

“KXDR dunyodagi eng qudratli yadroviy va harbiy davlat sifatida rivojlanishda davom etadi. Mamlakatimizga ommaviy qirg‘in quroli o‘zini mudofaa etish va mintaqada xavfsizlikni ta’minlash uchun zarur”, — dedi Cha Son Nam.