25-dekabr kuni Navoiy viloyatida kuchli shamol sodir bo‘lishi kutilmoqda

24-dekabr kuni Navoiy viloyatining Nurota va Tomdi tumanlarida soniyasiga 18 metr esuvchi kuchli shamol sodir bo‘ldi. Bu haqda O‘zbekiston Favqulodda vaziyatlar vazirligining Facebook’dagi sahifasida xabar berildi.

Kuchli shamol ma’muriy va turar-joy binolarining ayrim qismlari shikast yetkazgan. Shamol oqibatlarini bartaraf etish maqsadida tuman hokimlari boshchiligida tezkor shtablar tashkil etildi, ular tarkibidan FFB, IIB, tuman kommunal xizmatlari va boshqa idora vakillari o‘rin olgan.

Kuchli shamol oqibatlarini bartaraf etish uchun zaruriy kuchlar safarbar etildi. Jabrlanganlar haqida hozircha ma’lumot yo‘q.

25-dekabr kunida ham Navoiy viloyatida kuchli shamol sodir bo‘lishi kutilmoqda.