Suriyada Rossiyaning Xmeymim avibazasiga yo‘llangan ikki raketa urib tushirildi

Rossiyaning “Pansir-S1” zenit-raketa kompleksi jangarilar Suriyadagi Xmeymim avibazasiga yo‘llagan ikki raketani tutib qoldi. Bu haqda “RIA Novosti” xabar bermoqda.

Jangarilar Idlib viloyatidagi Bdama aholi punktidan bir necha raketa uchirdi. Kompleks ulardan ikkisini urib tushirishga muvaffaq bo‘ldi.

Yana bir raketa bazaga yetib kelmay, Latakiya viloyatidagi Jabla shahrida portladi.

Hozirda Rossiya vertolyotlari raketalar uchirilgan hududda patrullashni amalga oshirmoqda.