Kim Chen In 2017-yil davomida oxirgi 5 yil ichida eng kam jamoatchilik oldida paydo bo‘ldi

KXDR yetakchisi Kim Chen In 2017-yilda bir yil avvalgidan 30 foiz kamroq jamoatchilik oldida paydo bo‘ldi. Bu tahlil ma’lumotlarini Yonhap agentligi chop etdi, deb yozadi “TASS”.

Agentlikning ma’lum qilishicha, Kim Chen In 1-yanvardan 28-dekabrga qadar joylarga 94 ta nazorat safarini amalga oshirdi. Bu ko‘rsatkich 2016-yilda 133 tani tashkil etgan edi. Ulardan 44 foizi milliy mudofaaga daxldor turli harbiy qismlar va boshqa obyektlarga tashriflardir.

“Bu faktlar Kim Chen In o‘z rejimi barqarorligi va jamiyat birdamligiga ishonishidan darak beradi. Bu ishonch unga ommaviy faoliyatini kamaytirish imkonini berdi”, — deydi Janubiy Koreya birlashuv vazirligi vakili Li Yu Chjin.