Hindistonda maktab avtobusi yuk mashinasi bilan to‘qnashdi. 6 nafar o‘quvchi va haydovchi halok bo‘ldi

Hindistonda maktab avtobusining yuk mashinasi bilan to‘qnashuvi oqibatida kamida 6 nafar o‘quvchi va haydovchi halok bo‘ldi, yana 10 kishi yaralandi. Bu haqda “TASS” xabar bermoqda.

Fojia Indor shahrida yuz berdi. 30 nafar o‘quvchi ketayotgan avtobus haydovchisi boshqaruvni uddalay olmay, qarama-qarshi tomonga chiqib ketdi va katta tezlikda kelayotgan yuk mashinasi bilan to‘qnashdi.

Jabrlanganlar kasalxonalarga yetkazildi. Politsiya hodisa sabablarini o‘rganishga kirishdi.