Abdulaziz Komilov Markaziy Osiyo davlatlarining Toshkentdagi elchilari bilan uchrashdi

O‘zbekiston tashqi ishlar vaziri Abdulaziz Komilov Qirg‘iziston elchisi Doniyor Sidiqov, Tojikiston elchisi Sodiq Imomiy, Turkmaniston elchisi Shiri Shiriyev va Qozog‘iston muvaqqat ishlar vakili Mursal-Nabi Tuyaqbayevni qabul qildi. Bu haqda TIV matbuot xizmati xabar bermoqda.

Uchrashuvda Abdulaziz Komilov Markaziy Osiyo davlatlarining Toshkentdagi diplomatik vakolatxonalar rahbarlarini O‘zbekiston Prezidenti Shavkat Mirziyoyevning mintaqada ko‘p qirrali hamkorlikni rivojlantirish bo‘yicha tashabbuslarini amalga oshirish yuzasidan takliflar bilan tanishtirdi.

Tomonlar mintaqa kun tartibining boshqa masalalari yuzasidan ham fikr almashdi.