“Parkent” bozori yaqinida ro‘y bergan YTHda piyoda halok bo‘ldi

Toshkent shahrining Yashnobod tumanida piyodaning o‘limiga olib kelgan YTH ro‘y berdi. Bu haqda UzNews xabar qildi.

Aytilishicha, 15-yanvar kuni soat 7:00 da Yashnobod tumanining Parkent ko‘chasida Damas haydovchisi piyodani urib ketgan.

37 yoshli haydovchi 42 yoshli fuqaroni urib yuborgan, buning natijasida jabrlanuvchi voqea joyida hayotdan ko‘z yumgan.

Holat yuzasidan tergov tadbirlari o‘tkazilmoqda.