O‘zbekiston delegatsiyasi “Yashil haftalik 2018” tadbirida ishtirok etish uchun Berlinga jo‘nab ketdi

2018-yilning 18-yanvar kuni O‘zbekiston Respublikasi Qishloq va suv xo‘jaligi vazirining o‘rinbosari Otabek Mustafoyev boshchiligidagi delegatsiya Germaniya va Fransiyaga amaliy tashrif bilan jo‘nab ketdi, deb xabar berdi Tashqi ishlar vazirligi matbuot xizmati.

Qator tumanlar hokimlari, yong‘oq ishlab chiqaruvchi va eksport qiluvchilar hamda asalarichilar assosiatsiyalari rahbarlaridan iborat O‘zbekiston delegatsiyasi Berlin shahridagi an’anaviy “Yashil haftalik 2018” tadbirida ishtirok etadi.

Shuningdek, delegatsiya a’zolari Fransiyaga ham tashrif buyurib, u yerda yilqichilik va ot sporti sohasida hamkorlik masalalari bo‘yicha uchrashuv va muzokaralar o‘tkazadi.