Shavkat Mirziyoyev Qozog‘istonda halok bo‘lgan o‘zbekistonliklarning oilalariga ta’ziya bildirdi

O‘zbekiston Prezidenti Shavkat Mirziyoyev Qozog‘istonning Aqto‘be viloyatida ro‘y bergan, ko‘plab o‘zbekistonliklarning o‘limiga olib kelgan fojia munosabati bilan halok bo‘lganlarning oilalari va yaqinlariga hamdardlik bildirdi. Bu haqda “O‘zbekiston 24” telekanalining “Axborot 24” dasturi orqali ma’lum qilindi, deb yozadi “Gazeta.uz”.

Oldinroq Qozog‘iston rahbari Nursulton Nazarboyev Shavkat Mirziyoyevga fojia munosabati bilan ta’ziya maktubini yo‘llagani xabar qilingan edi.