Sharqiy puma qirilib ketgan tur deb topildi

Sharqiy puma Amerikaning yo‘qolib ketish xavfi ostidagi Yovvoyi hayvonlar federal ro‘yxatidan chiqarilib, qirilib ketgan deb topildi. Tegishli farmoyish AQSh hukumati Federal ro‘yxati jurnalida chop etildi, deb yozadi “RIA Novosti”.

Farmoyishga muvofiq Amerika yovvoyi hayvonlar va baliq resurslarini qo‘riqlash xizmati sharqiy pumani qirilib ketgan deb tan oldi. Yovvoyi hayvon 1938-yildan buyon kuzatilib borilganligi, biroq hozirgi paytda biror joyda ushbu tur vakilining mavjudligi haqidagi ma’lumot yo‘q ekanligi ta’kidlanadi.

Farmoyish 2018-yilning 22-fevralidan kuchga kiradi.