Hindistonlik erkakni MRT apparati yutib yubordi

Hindistonda bemorni MRT apparati yutib yuborganidan so‘ng u halok bo‘ldi, deb xabar beradi NDTV.

Rajesh Maru MRT xonasiga metalldan ishlangan kislorodli balloncha bilan kirgan. Kuchli magnit maydoni tufayli apparat bemorni yutib yuborgan.

MRT apparatini o‘chirib, uning ichidan Rajeshni chiqarib olishgan, biroq u olgan jarohatlari tufayli o‘n daqiqadan so‘ng vafot etgan.

Marhumning qarindoshlari shifokorlar MRT xonasidagi apparat yoqilmagani va xonaga kirish xavfsiz ekanligini ta‘kidlaganini ma’lum qilgan.

“Biz ularga metall buyum bilan MRT xonasiga kirish xavfliligini aytganimizda ular har doim mijozlar xonaga shu tariqa kirishini ta’kidladi”, — deydi marhumning qarindoshi.

Hozirda holat yuzasidan jinoyat ishi qo‘zg‘atilgan va tekshiruv ishlari olib borilmoqda.