Shotlandiyadagi orol Londondagi bir xonali kvartira narxida sotiladi

Buyuk Britaniya shimolidagi orol Londondagi bir xonali kvartiraning narxida sotuvga qo‘yildi. Uning hududi qariyb 26 gektarni tashkil qiladi va orolda 1934-yildan buyon hech kim yashamaydi. Bu haqda “TASS” xabar berdi.

Orol uchun so‘ralayotgan natx 250 ming funt sterlingni (356 ming dollar) tashkil qilmoqda. Bu Londondagi kvartitralar o‘rtacha qiymatining yarmini tashkil qiladi.

Orol Shotlandiyaning shimoli-sharqida joylashgan orollar arxipelagi tarkibiga kiradi va geografik jihatdan Shotlandiyadan ko‘ra Norvegiyaga yaqinroq hisoblanadi. Qurilish rejasiga ko‘ra, orolning egasiga pirs (kemalar bog‘lab qo‘yiladigan maxsus joy), bir nechta yangi qishloq xo‘jaligi inshooti, shamol tegirmoni va toza suv bilan ta’minlash uchun yomg‘ir suvini yig‘adigan inshoot qurishga ruxsat beriladi.